शिवपरिवारः दुई पुत्र मात्रै होइन, शिवजीकी अर्की एक पुत्री पनि छिन्

भगवान शिवलाई सही अर्थमा भन्नुपर्दा परिवारका देवता पनि भनिन्छ। किनकी शिवजी एकमात्र यस्ता देवता हुन्, जसका परिवार पूर्ण छ। भगवान शिवका पुत्र कार्तिकेय (कुमार) र श्रीगणेशको बारेमा त सबैलाई थाहा भएकै कुरा हो। तर अधिकांशलाई यो थाहा छैन कि उनकी एक पुत्री पनि छिन्।

भगवान शिव

भगवान शिव परिवारका मूख्य सदस्य हुन्। शिवलाई सृष्टिको प्राण मानिन्छ। शिवबिनाको सृष्टि मृत संसार जस्तै हुन्छ, त्यसैकारण नै उनलाई ‘कालको पनि काल- महाकाल’ भनिन्छ।
ब्रह्मा, विष्णु र शिवका नामलाई सृष्टि, पालन र संहारसँग जोडिएपनि तीनै तत्व एकै भएको तथा शिवतत्वले पालनपोषणको काम पनि गर्ने भएकाले शास्त्रीय रूपमा शिव तत्वको महत्व बढि छ। शिवले प्राण पनि दिन्छन्, जीवन पनि दिन्छन् र संहार पनि गर्छन्।
भगवान शिवकी पुत्री

भगवान शिवकी पुत्रीको नाम ‘अशोक सुन्दरी’ हो। पौराणिक कथा र केहि मान्यताका अनुसार, माता पार्वतीले आफ्नो एक्लोपनलाई टाढा राख्नको लागि ‘कल्पवृक्ष’ (सबैको इच्छा पूर्ण गर्ने रूख) सँग कन्याप्राप्तिको वरदान मागिन्, जसको फलस्वरूप अशोक सुन्दरीको जन्म भयो।
अशोक सुन्दरीको विवाह परमपराक्रमी राजा नहूषसँग भएको थियो। माता पार्वतीको वरदानले अशोक सुन्दरी ‘ययाति’ जस्ता वीर पुत्र र सय रूपवती कन्याहरूका माता बनिन्।

Comments

Post a Comment

Popular posts from this blog

विष्णुको सवारी गरुड- तर सर्वशक्तिमान भगवानलाई किन चाहियो सवारी?

Image
विज्ञानले पनि उपलब्ध गर्न नसकेको प्रविधि भगवानहरूले उपयोग गर्ने गर्छन्। कुनै एक ठाउँबाट अन्तर्ध्यान भएन अर्को ठाउँमा उत्पत्ती हुन सक्ने भगवानहरूको शक्ति हुन्छ, यस्तो धार्मिक ग्रन्थहरूमा उल्लेख छ। त्यति मात्र कहाँ हो र, भगवानहरू त हावामै कुनै सहारा बिना नै उँडेको बयान गरिएको छ। फेरि सबै सर्वशक्तिमान देवीदेवताहरूको आ-आफ्नै वहान (सवारी) भएको पनि ग्रन्थहरूमा उल्लेख छ। जस्तै; भगवान विष्णु गरुडको सवारी गर्छन् भने इन्द्रदेव ऐरावत हात्तीको सवार गर्छन्। कहिल्यै सोँच्नुभएको छ कि कुनै भगवानले किन आफ्नो लागि त्यहि खास सवारी चुने? यसको पछाडि आध्यात्मिक, वैज्ञानिक र व्यवहारिक कारणहरू छन्। आउनुहोस्, जानौँ कसरी:- १. भगवान विष्णु र गरुड गुरुड एक जादुमयी र पौराणिक प्राणी हो। गरुडलाई अधर्म माथि धर्म र असत्य माथि सत्यको अधिकार स्थापना गर्ने प्राणी भनेर चिनिन्छ, त्यसैले नै गरुडलाई ‘दिव्य शक्ति र अधिकार’को प्रतीक मानिन्छ। श्रीमद्भागवतगीतामा भनिएको छ कि भगवान विष्णुमा नै सारा संसार समाहित छ, मतलब यो सारा ब्रह्माण्डका कण-कणमा भगवान विष्णु अवस्थित छन्। यो सारा संसारमा भगवान विष्णुकै आधिपत्य छ, अधिकार छ। त्य...
Read more

हिन्दु धर्ममा ३३ करोड देवता छन् भन्छन् नि, के यो सत्य हो?

Image
नेपालमा एउटा प्रचलित भनाई छ- “तीन करोड जनतालाई तेत्तीस करोड देवताहरूले रक्षा गरिरहेका छन्!” अनि श्रीस्वस्थानी ग्रन्थमा पनि कैयौँ अध्यायहरूमा ३३ कोटी यानिकी ३३ करोड देवताहरू भएको उल्लेख गरिएको छ। तर, के यो सत्य हो? हिन्दु धर्मको वेदले भन्छ कि यो सत्य होइन! त्यहाँ केवल ३३ वटा मात्रै देवताहरू छन् तर त्यसमा ब्रह्मा, विष्णु र महेश्वर जस्ता देवताहरू पर्दैनन्। उपनीषदमा पनि ‘परमात्मा ब्राह्मण’लाई नै परम वास्तविकता भनिएको छ। ब्राह्मण भनेको ‘ब्राह्मण जाति’ होइन, ‘एक मूल देवता’ नै ब्राह्मण हो। हिन्दु धर्मका ग्रन्थहरू सबै कविताको शैलीमा रचिएका छन्। त्यसैले यो सारा ब्रह्माण्डको असीमिततालाई छन्दमा ढाल्न खोज्दा ३३ करोड भनिएको हो। संस्कृत भाषामा ‘कोटि’ शब्दको दुई वटा अर्थ हुन्छ: १. करोड र २. प्रकार। विभिन्न ग्रन्थहरूमा ‘त्रैअस्त्रिंसा देव’ (३३ कोटि) भनेर उल्लेख गरिएको छ, तर यसको मतलब ३३ करोड देवता होइन कि बरु ३३ प्रकारका देवताहरू छन् भन्न खोजिएको हो। कसरी? यो कुराको पुष्टि ‘वृहदआरण्यक उपनीषद’बाट गर्न सकिन्छ। यो उपनीषदमा प्राचीन सिन्धु पर्वतमा एक साधुले गहिरो ध्यानबाट पुरातन विचार र दर्शनको वर्णन गरेको...
Read more